എസ് എസ് എ മലപ്പുറം


Tuesday, January 21, 2020

സുരക്ഷിത വിദ്യാലയം രക്ഷാകർതൃ സംഗമം നടത്തി

സുരക്ഷിത വിദ്യാലയം
രക്ഷാകർതൃ സംഗമം നടത്തി

പൊന്നാനി പള്ളപ്രം എ.എം.എൽ.പി സ്കൂളിൽ 'സുരക്ഷിത വിദ്യാലയം' രക്ഷാകർതൃ സംഗമത്തിൽ എ.എസ്.ഐ വാസുണ്ണി സംസാരിക്കുന്നു.

പൊന്നാനി: പള്ളപ്രം എ.എം.എൽ.പി സ്കൂളിൽ 'സുരക്ഷിത വിദ്യാലയം' രക്ഷാകർതൃ സംഗമം സംലടിപ്പിച്ചു. വിദ്യാലയ സുരക്ഷ സംബന്ധിച്ച്  എ.എസ്.ഐ വാസുണ്ണിയും വിദ്യാർത്ഥി സുരക്ഷ സംബന്ധിച്ച് ഐ.സി.ഡി.എസ് പ്രൊജക്ട് കോർഡിനേറ്റർ ശീതളും ക്ലാസ്സെടുത്തു.
പി.ടി.എ പ്രസിഡന്റ് വി.ഹംസു അധ്യക്ഷത വഹിച്ചു. പ്രധാനാധ്യാപിക എം.വി. റെയ്സി, റഫീഖ്.സി, ദിപു ജോൺ, മുഹമ്മദ് റിയാസ്, ബൈജു.ടി.വി സംസാരിച്ചു.

Saturday, January 18, 2020

പ്രബന്ധ മത്സരം

പൊന്നാനി: 2020  ഫെബ്രുവരി 23 നു മലപ്പുറം വെന്നിയൂർ പരപ്പൻ സ്ക്വയറിൽ നടക്കുന്ന ആയുർവേദ മെഡിക്കൽ അസോസിയേഷൻ ഓഫ് ഇന്ത്യയുടെ യുടെ 41-ാമത് സംസ്ഥാന വാർഷിക കൗൺസിലി നോടനുബന്ധിച്ച് ജില്ലയിലെ പൊതുവിദ്യാഭ്യാസ വകുപ്പിന് കീഴിലുള്ള യു. പി, ഹൈസ്കൂൾ  ഹയർസെക്കൻഡറി സ്കൂളുകളിലെ   വിദ്യാർത്ഥികളിൽ നിന്ന് പ്രബന്ധങ്ങൾ ക്ഷണിക്കുന്നു. വിഷയം: ''ആയുർവേദം-ഞാൻ അറിഞ്ഞതും
ഞാൻ അറിയേണ്ടതും'' പ്രബന്ധരചനക്കുള്ള മാർഗനിർദേശങ്ങൾ 9446247459 എന്ന നമ്പറിൽ വാട്ട്സ് ആപ്പ് സന്ദേശമയച്ചാൽ ലഭിക്കും.

Sunday, January 5, 2020

സംസ്ഥാന അധ്യാപക അവാർഡ് ജേതാവ് മിനി ടീച്ചറെ ആദരിച്ചു

സംസ്ഥാന അധ്യാപക അവാർഡ് ജേതാവ്  മിനി ടീച്ചറെ ആദരിച്ചു

ചിത്രം -
 സംസ്ഥാന അധ്യാപക അവാർഡ് ജേതാവ് മിനി ടീച്ചർക്ക് കെ.പി.എസ്.ടി.എ സംസ്ഥാന നിർവാഹകസമിതി അംഗം കെ അബ്ദുൽ മജീദ് ഉപഹാരം നൽകുന്നു.

പൊന്നാനി: സംസ്ഥാന അധ്യാപക അവാർഡ് നേടിയ കെ.പി.എസ്.ടി.എ അംഗവും  തെയ്യങ്ങാട് ജി.എൽ.പി.എസ് പ്രധാനാധ്യാപികയുമായ മിനി ടീച്ചറെ കെ.പി.എസ്.ടി.എ പൊന്നാനി സബ് ജില്ലാ കമ്മിറ്റി അനുമോദിച്ചു.
 എ.വി ഹയർ സെക്കൻഡറി സ്കൂളിൽ നടന്ന ചടങ്ങിൽ കെ.പി.എസ്.ടി.എ സംസ്ഥാന നിർവാഹകസമിതി അംഗം കെ അബ്ദുൽ മജീദ് ഉപഹാരം നൽകി.  എം കോയക്കുട്ടി അധ്യക്ഷത വഹിച്ചു. ടി.കെ സതീശൻ, എം.കെ.എം അബ്ദുൽ ഫൈസൽ, ഹസീനബാൻ, എം.പ്രജിത്ത് കുമാർ, പി.താരാദേവി, പി.ഹസ്സൻകോയ, എൻ.മനോജ്, കെ.എം.ജയനാരായണൻ, ഹേമന്ത്, കൃഷ്ണദാസ് തുടങ്ങിയവർ സംബന്ധിച്ചു.

Thursday, November 14, 2019

സർഗപ്രതിഭയോടൊപ്പം പള്ളപ്രം എ.എം.എൽ.പി സ്കൂൾ വിദ്യാർത്ഥികൾ

പൊന്നാനി: "വിദ്യാലയം പ്രതിഭകളോടൊപ്പം " എന്ന പരിപാടിയുടെ ഭാഗമായി പള്ളപ്രം എ.എം.എൽ.പി സ്കൂളിലെ വിദ്യാർഥികളും അധ്യാപകരും പിടിഎ ഭാരവാഹികളും ചേർന്ന് സ്കൗട്ട് ആന്റ് ഗൈഡ് സംസ്ഥാന അസിസ്റ്റൻറ് കമ്മീഷണറും മുൻ ദേശീയ  അധ്യാപക അവാർഡ് ജേതാവുമായ പി കോയക്കുട്ടി മാസ്റ്ററെ ആദരിച്ചു. അധ്യാപകർക്കൊപ്പം വസതിയിൽ എത്തി റോസാപ്പൂക്കൾ നൽകിയ വിദ്യാർത്ഥികൾ സ്കൗട്ട് പ്രസ്ഥാനം, സാക്ഷരതാ യജ്ഞം, അധ്യാപനം തുടങ്ങിയ മേഖലകളിൽ കോയക്കുട്ടി മാസ്റ്റർ നടത്തിയ പ്രവർത്തനങ്ങൾ ചോദിച്ചറിഞ്ഞു. നെഹ്റുവിന്റെ ജീവിത സന്ദേേശവും ശ്രദ്ധേധേയമായ കഥകളും കുട്ടികളുമായി പങ്കുവെച്ചു. പി.ടി.എ പ്രസിഡന്റ് വി.ഹംസു പൊന്നാട അണിയിച്ചു. റഫീഖ് മാസ്റ്റർ പ്രതിഭയെ പരിചയപ്പെടുത്തി. ജൂലിഷ് എബ്രഹാം.കെ, റിയാസ്, ബൈജു വിൻസന്റ്, അഫിയ, സ്കൂൾ ലീഡർ ഫാത്തിമതുൽ നുനു, പി. അമീൻ നേതൃത്വം നൽകി.

ചിത്രം -
പള്ളപ്രം എ.എം.എൽ.പി. സ്കൂൾ വിദ്യാർത്ഥികൾ പി.കോയക്കുട്ടി മാസ്റ്ററെ ആദരിക്കുന്നു. 

Sunday, August 4, 2019

ഗാന്ധി ദർശൻ ക്ലബ്ബ്

(ചിത്രം )
പൊന്നാനി: എ.വി ഹയർ സെക്കണ്ടറി സ്‌കൂളിൽ ഗാന്ധി ദർശൻ ക്ലബ്ബ് ഉൽഘാടനം ഇയ്യാച്ചേരി കുഞ്ഞി കൃഷ്ണൻ നിർവഹിക്കുന്നു.

ഗാന്ധി ദർശൻ ക്ലബ്ബ് ഉദ്ഘാടനം

പൊന്നാനി: എ വി ഹയർ സെക്കൻഡറി സ്‌കൂളിൽ ഗാന്ധി ദർശൻ ക്ലബ്ബ് ഉൽഘാടനം ഇയ്യാച്ചേരി കുഞ്ഞി കൃഷ്ണൻ നിർവഹിച്ചു. പി ടി എ പ്രസിഡന്റ് രമേശൻ അധ്യക്ഷത വഹിച്ചു. ഇയ്യാച്ചേരിപത്മിനിടീച്ചർ, അധ്യാപകരായ  സരള, കൃഷ്ണകുമാർ, ഡേവിഡ്, ജയറാം, സിന്ധു, ഷീജ, തുഷാര, ഭവ്യ ,രജനി എം സി, അനില, സിനി ടി ടി, പി.പി.അബ്ദുൾ ജലീൽ, രജനി പി.ഇ പ്രസംഗിച്ചു.


Thursday, July 18, 2019

വായനോത്സവം സമാപിച്ചു

 ചേന്നമംഗലം സ്കൂളിൽ ബിഗ്‌ ബുക്ക്‌ തയ്യാറാക്കി
പൊന്നാനി: എരമംഗലം ചേന്ദമംഗലം എ. എൽ. പി. സ്കൂളിൽ ഒരു മാസമായി നീണ്ട്‌ നിന്ന വായനോത്സവം സമാപിച്ചു. ഇരുന്നൂേേേറോളം വിദ്യാർത്ഥികളുടെ നാനൂറോളം സർഗ്ഗ വിഭവങ്ങൾ കോർത്തിണക്കിയ 'സർഗ്ഗസരോവരം' ബിഗ്ബുക്ക് ഒരുക്കിയാണ് ഒന്നാം ഘട്ടം അവസാനിച്ചത്‌. വിദ്യാർഥികളുടെ സർഗ്ഗസൃഷ്ടികളുമായി അനുഭവക്കുറിപ്പുകളും ദിനാചരണ ചെപ്പുകളും കൊണ്ട് സമ്പന്നമാണ് 70 x120 സെ.മീ വലിപ്പവും 300 പേജുകളുമുള്ള ബിഗ്‌ മാഗസിൻ.

ചിത്രം പൊന്നാനി ഉപജില്ലയിലെ ചേന്നമംഗലം എൽപി സ്കൂളിൽ വായന വായനോത്സത്തിൻറെ ഭാഗമായി തയ്യാറാക്കിയ ബിഗ് ബുക്ക്

Wednesday, July 10, 2019

വെളിയങ്കോട് സ്കൂളിൽ നെല്ലിമരം നട്ടും പൂന്തോട്ടം സമർപ്പിച്ചും പൂർവ്വ വിദ്യാർത്ഥികൾ

സ്കൂളിൽ നെല്ലിമരം നട്ടും പൂന്തോട്ടം സമർപ്പിച്ചും പൂർവ്വ വിദ്യാർത്ഥികൾ 

"ഓർമ്മയ്ക്കായ് സ്നേഹസംഗമം" നടത്തി.
പൊന്നാനി: വെളിയങ്കോട് ഹൈസ്കൂളിലെ 92-93 കാലയളവിൽ പഠിച്ചിറങ്ങിയ പൂർവ്വ വിദ്യാർത്ഥികൾ സ്കൂളിൽ ''സ്നേഹസംഗമം" നടത്തി. കഥാകൃത്ത് പി സുരേന്ദ്രൻ ഉദ്ഘാടനം ചെയ്തു. ഫിറോസ് അധ്യക്ഷനായി.
പഴയ കാല അധ്യാപകരെ ആദരിക്കൽ, ഈ വർഷം ഉയർന്ന മാർക്ക് വാങ്ങി വിജയിച്ച  എസ്എസ്എൽസി, പ്ലസ് ടു, ഡിഗ്രി വിദ്യാർത്ഥികളെ അനുമോദിക്കൽ, വിവിധ കലാപരിപാടികൾ എന്നിവയും നടന്നു.

വർഷങ്ങളുടെ ഇടവേളയിൽ ഒത്തുചേർന്നതിന്റെ സന്തോഷത്തിന്റെ പ്രതീകമായി  "ഓർമ്മയ്ക്കായ്" എന്ന പേരിൽ തറ കെട്ടി നെല്ലി ചെടിവെച്ചുപിടിപ്പിച്ചു. കൂടാതെ പൂന്തോട്ടവും നിർമ്മിച്ച് സ്കൂളിന് സമർപ്പിച്ചു.
പരിപാടിയിൽ പങ്കെടുത്ത എല്ലാവർക്കും ഓരോ വൃക്ഷ തൈകളും സമ്മാനിച്ചു. അബ്ബാസ്, മജീദ്, ഗഫൂർ, റാഫി, അനീഷ്, റിയാസ്, സുബ്രഹ്മണ്യൻ, പുഷ്പ, അഷീറ,  സുമിത, ജയപ്രിയ, പ്രീത, സാഹിറ, സുലൈഖ, ഷെറീന നേതൃത്വം നൽകി.

Wednesday, June 19, 2019

വായനാവാരാചരണം

വായനാവാരാചരണം

പൊന്നാനി : പൊന്നാനി എം.ഐ. ബോയ്സ് ഹൈസ്കൂളിൽ വായനദിനം നാടക പ്രവർത്തകൻ സർഫ്രാസ് അലി  ഉദ്ഘാടനം ചെയ്തു. വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ സാഹിത്യ ക്വിസ് മത്സരവും സംഘടിപ്പിച്ചു. ഹെഡ് മാസ്റ്റർ പി.പി. ഷംസുദ്ദീൻ, കെ.കുഞ്ഞൻ ബാവ, രമേശ് ചന്ദ്ര, വിനോദ് എം, ടി.എഫ് ജോയ്, മേരി സക്കരിയ, കെ.വി. ഹബീബ് റഹ്മാൻ, നിഹാൽ  പങ്കെടുത്തു.

പൊന്നാനി : പൊന്നാനി എം.ഐ.യു.പി സ്കൂളിലെ വായനാവാരാചരണം കവി ഇബ്രാഹീം പൊന്നാനി ഉദ്ഘാടനം ചെയ്തു. കെ.ഹനീഫ, കെ.ഹുസൈൻ, പി.കെ കുഞ്ഞുമുഹമ്മദ്, റാസി, കെ.വി മുഹമ്മദ് ഫാറൂഖി, റഹ്മത്ത് ബീഗം പ്രസംഗിച്ചു

പൊന്നാനി: വായന മനുഷ്യനിൽ ഉദാത്ത ജീവിതബോധം വളർത്തുന്നുവെന്നും ആ ബോധം സംസ്കാര രൂപീകരണത്തിൽ മുഖ്യപങ്ക് വഹിക്കുന്നുണ്ടെന്നും ലൈബ്രേറിയൻ കെ.എ ഉമ്മർ ക്കുട്ടി പറഞ്ഞു. പൊന്നാനി കൃഷ്ണപ്പണിക്കർ വായനശാലയുടെ ആഭിമുഖ്യത്തിൽ നടത്തിയ വായനപക്ഷാചരണം ഉദ്ഘാടനം ചെയ്യുകയായിരുന്നു. വി.വി.രാമകൃഷ്ണൻ അദ്ധ്യക്ഷത വഹിച്ചു. പ്രൊഫ. പി.കെ.എം.മുഹമ്മദ് ഇക്ബാൽ മുഖ്യ പ്രഭാഷണം നടത്തി. ടി.വി.ചന്ദ്രശേഖരൻ, ഇബ്രാഹിം പൊന്നാനി, കെ.വി. നദീർ, പി.കെ.സദാനന്ദൻ, ബ്രദർ വർഗ്ഗീസ് പ്രസംഗിച്ചു.

Friday, June 7, 2019

അധ്യാപക ഒഴിവ്

അദ്ധ്യാപക അഭിമുഖം ഇന്ന് ( 8-6-19 ശനി)

പൊന്നാനി: പാലപ്പെട്ടി ഗവ. ഫിഷറീസ് യു.പി.സ്കൂളിൽ യുപിഎസ് ടി, എൽ.പി.എസ്.ടി, എൽ.പി അറബിക്, യു.പി. അറബിക് അധ്യാപക തസ്തികകളിൽ ഒഴിവുണ്ട്. താത്കാലിക നിയമനത്തിനുള്ള ഇന്റർവ്യൂ ഇന്ന് (ശനിയാഴ്ച) രാവിലെ 10 മണിക്ക് നടക്കും.  യോഗ്യതയുള്ളവർ അസ്സൽ സർട്ടിഫികറ്റ് സഹിതം സ്കൂൾ ഓഫീസിൽ ഹാജരാകണം.

7.

Thursday, June 6, 2019

പ്രവേശനോത്സവം

കുഞ്ഞിക്കുടയും ചങ്ങാതി ബാഗുമായി
പൊന്നാനിയിലെ പ്രവേശനോത്സവം

ചിത്രം -
പൊന്നാനി പള്ളപ്രം എ എം എൽ പി സ്കൂളിൽ നഗരസഭയുടെ ചങ്ങാതി ബാഗും കുഞ്ഞിക്കുടയും വിതരണോദ്ഘാടനം പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൻ റീന പ്രകാശൻ നിർവഹിക്കുന്നു

പൊന്നാനി: തുടർച്ചയായ നാലാം വർഷവും കുഞ്ഞിക്കുടയും ചങ്ങാതി ബാഗുമായി പൊന്നാനിയിലെ പ്രവേശനോത്സവം. പൊന്നാനി സർവീസ് സഹകരണ ബാങ്കിന്റെ സഹകരണത്തോടെയാണ് ഒന്നാം ക്ലാസിൽ ചേരുന്ന കുട്ടികൾക്ക് പഠനോപകരണങ്ങൾ വിതരണം ചെയ്തത്. നഗരസഭ പരിധിയിലുള്ള സർക്കാർ എയ്ഡഡ് മേഖലയിലെ 20 സ്കൂളുകളിലെ 1068 കുരുന്നുകൾക്കാണ് കുടയും ബാഗും സ്ലൈറ്റും പെൻസിലും വിതരണം ചെയ്തത്. 

ചെറുവായ്ക്കര ജി.യു.പി.സ്കൂളിൽ നടന്ന നഗരസഭതല പ്രവേശനോത്സവം ചെയർമാൻ സി.പി മുഹമ്മദ് കുഞ്ഞി ഉദ്ഘാടനം ചെയ്തു. പൊന്നാനി സർവ്വീസ് സഹകരണ ബാങ്ക് വൈസ് പ്രസിഡന്റ് രജീഷ് ഊപ്പാല, കൗൺസിലർമാരായ പി.ധന്യ, ഒ.വി ഹസീന, വി.കെ പ്രശാന്ത് സംസാരിച്ചു.


നഗരസഭയിലെ വിവിധ സ്കൂളുകളിലെ പ്രവേശനോത്സവങ്ങൾ വൈസ് ചെയർപേഴ്സൺ വി.രമാദേവി, വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ ടി.മുഹമ്മദ് ബഷീർ, സ്റ്റാന്റിങ് കമ്മിറ്റി ചെയർമാന്മാരായ ഒ.ഒ ഷംസു, അഷറഫ് പറമ്പിൽ, ഷീന സുദേശൻ ഉദ്ഘാടനം ചെയ്തു. പളളപ്രം എം എൽ പി സ്കൂളിൽ കുഞ്ഞി കുടയും ചങ്ങാതി ബാഗും വിതരണം നഗരസഭ പൊതുമരാമത്ത് സ്ഥിരം സമിതി അധ്യക്ഷ റീന പ്രകാശൻ ഉദ്ഘാടനം ചെയ്തു.
 പൊന്നാനി ടി. ഐ.യു.പി സ്കൂളിൽ പി.വി.ഉസ്മാൻ ഉദ്ഘാടനം ചെയ്തു. മാനേജർ.പി.മുഹമ്മദ് അധ്യക്ഷത വഹിച്ചു. പി.ടി.എ പ്രതിനിധി കബീർ, സ്റ്റാഫ് സെക്രട്ടറി അബ്ദുല്ലക്കുട്ടി അലിയാസ് കോയ, ഹെഡ്മാസ്റ്റർ കെ.എസ്. മുഹമ്മദ് സലീം, ബെറ്റി.എം.ജോസ് പ്രസംഗിച്ചു.

പള്ളപ്രം എം എൽ പി സ്കൂളിൽ പ്രവേശനോത്സവത്തിന് ഇരട്ടിമധുരം

പള്ളപ്രം എം എൽ പി സ്കൂളിൽ പ്രവേശനോത്സവത്തിന് ഇരട്ടിമധുരം


ചിത്രം -

പള്ളപ്രം എൽപി സ്കൂളിൽ പുതുതായി നിർമിച്ച കെട്ടിടം

പൊന്നാനി: പള്ളപ്രം എ എം എൽ പി സ്കൂളിൽ പ്രവേശനോത്സവത്തിന് ഇരട്ടിമധുരം സ്കൂളിൽ പുതുതായി നിർമിച്ച ഇരുനില കെട്ടിടം പ്രവേശനോത്സവ ദിനത്തിൽ സമർപ്പിച്ചു. നഗരസഭ ഒന്നാം ക്ലാസ്സുകാർക്ക് നൽകുന്ന ചങ്ങാതി ബാഗും കുഞ്ഞിക്കുടയും നഗരസഭാ പൊതുമരാമത്ത് സ്ഥിരം സമിതി അധ്യക്ഷ റീന പ്രകാശൻ വിതരണം ചെയ്തു. നഗരസഭ വിദ്യാഭ്യാസ സ്ഥിരം സമിതി ചെയർമാൻ ടി മുഹമ്മദ് ബഷീർ ഉദ്ഘാടനം ചെയ്തു രക്ഷിതാക്കൾക്കുള്ള വിത്ത് വിതരണം മാനേജർ വി ജനാർദ്ദനൻ നിർവഹിച്ചു ചു പരിസ്ഥിതി വാരാചരണത്തിന് ഭാഗമായി സ്കൂൾ സ്കൂൾ മുറ്റത്ത് അത് വൃക്ഷത്തൈ തൈ നട്ടു. ജൈവ കർഷക സമിതി ജില്ലാ ജോയിന്റ് സെക്രട്ടറി ഗംഗാധരൻ പരിസ്ഥിതി ദിന സന്ദേശം നൽകി. പ്രധാനാധ്യാപിക എം.വി റെയ്സി, പി.വി ഇബ്രാഹിം, അബ്ദുല്ല മാസ്റ്റർ, സി.കെ. ലൂസി, പി കെ ഘോഷവതി, ജൂലിഷ് എബ്രഹാം, ദിപു ജോൺ, റഫീഖ് സംസാരിച്ചു. പള്ളപ്രം ഡിഫൻസ് ക്ലബ്ബിൻറെ ആഭിമുഖ്യത്തിൽ മധുരവിതരണവും നടത്തി.

Monday, March 4, 2019

പൊന്നാനി ടി.ഐ.യു.പി സ്കൂൾ കോർണർ പി.ടി.എ സംഘടിപ്പിച്ചു.

പൊന്നാനി ടി.ഐ.യു.പി സ്കൂൾ
കോർണർ പി.ടി.എ സംഘടിപ്പിച്ചു.

പൊന്നാനി: ടി .ഐ .യു.പി സ്കൂളിൽ നടന്ന പഠനോത്സവത്തിന്റെ തുടർച്ചയായി പള്ളിക്കടവ് അറക്കൽ വളപ്പിൽ കോർണർ പി.ടി.എ സംഘടിപ്പിച്ചു. 
വിദ്യാലയത്തിന്റെ പഠന മികവുകൾ രക്ഷിതാക്കളെ ബോധ്യപ്പെടുത്തുന്നതിനായി സംഘടിപ്പിച്ച കോർണർ പി.ടി.എ യുടെ ഉദ്ഘാടനം എസ്.എം.സി. കൺവീനർ പി.വി.ഉസ്മാൻ നിർവ്വഹിച്ചു. എ നസീറ അധ്യക്ഷത വഹിച്ചു. ക്ലസ്റ്റർ കോ-ഓഡിനേറ്റർ അബ്ദുൽ ഗഫൂർ,  അംഗനവാടി വർക്കർ ലിഷ അബ്ദുല്ലക്കുട്ടി അലിയാസ് കോയ, സ്കൂൾ ലീഡർ അഫീഫ നസ്റിൻ പ്രസംഗിച്ചു. രക്ഷിതാക്കൾക്കുള്ള ക്വിസ് മത്സരവും സംഘടിപ്പിച്ചു.

Wednesday, February 27, 2019

ഗുരുശ്രേഷ്ഠ അവാർഡ്' പ്രഥമാധ്യാപിക വി.ജെ. ജെസ്സി ടീച്ചർക്ക്


'ഗുരുശ്രേഷ്ഠ അവാർഡ്' പ്രഥമാധ്യാപിക വി.ജെ. ജെസ്സി ടീച്ചർക്ക്    

പൊന്നാനി: സംസ്ഥാനത്തെ മാതൃകാ അധ്യാപകർക്കായി ആൾ ഇന്ത്യാ അവാർഡീ ടീച്ചേഴ്സ് ഫെഡറേഷൻ ഏർപ്പെടുത്തിയ 2018 -19 ലെ ഗുരുശ്രേഷ്ഠ അവാർഡ് വെളിയങ്കോട് ഗവ. ഫിഷറീസ് എൽ.പി. സ്കൂളിലെ പ്രഥമാധ്യാപിക വി.ജെ. ജെസ്സി ടീച്ചർക്ക്. 2018 ഫെബ്രുവരി മുതൽ 2019 ഫെബ്രുവരി വരെ പൊതുവിദ്യാഭ്യാസ സംരക്ഷണയജ്ഞത്തിൻറെ ഭാഗമായി സ്കൂളിൽ നടപ്പാക്കിയ പ്രവർത്തനങ്ങൾ പരിഗണിച്ചാണ് അവാർഡ് നൽകുന്നത്. നൂറിൽ താഴെമാത്രം വിദ്യാർഥികളുണ്ടായിരുന്ന തീരദേശ മേഖലയിലെ ഈ വിദ്യാലയത്തിൽ ജെസ്സി ടീച്ചർ പ്രഥമാധ്യാപികയായി ചുമതലയേറ്റശേഷം നടത്തിയ ചിട്ടയായ പ്രവർത്തനമാണ് ചുരുങ്ങിയ കാലയളവിൽ ഭൗതികമായും അക്കാദമികമായും വലിയമാറ്റമാണ് സ്കൂളിൽ നടപ്പായത്. വിദ്യാർഥികളുടെ എണ്ണം 176 -ലെത്തി. 25 വർഷമായി സർക്കാർ സ്കൂളിൽ അധ്യാപികയായ വി.ജെ. ജെസ്സി ടീച്ചർ 23 വർഷമായി വെളിയങ്കോട് ഗവ. ഫിഷറീസ് എൽ.പി. സ്കൂളിലാണ്. 2016 -ൽ പ്രഥമാധ്യാപികയായി വടക്കുമുറി ഗവ. എൽ.പി. സ്കൂളിലേക്ക് പോയെങ്കിലും 2017 ജൂണിൽ ഫിഷറീസ് സ്കൂളിലേക്ക് തിരിച്ചെത്തുകയായിരുന്നു. തൃശൂർ ജില്ലയിലെ ചാവക്കാട് പാലയൂർ സ്വദേശിയാണ്.

ഫോട്ടോ :  - ഗുരുശ്രേഷ്ഠ അവാർഡ്നേടിയ വി.ജെ. ജെസ്സി ടീച്ചർ


Saturday, February 16, 2019

ജൂനിയർ റെഡ് ക്രോസ് ക്യാമ്പ് നടത്തി

ജൂനിയർ റെഡ് ക്രോസ് ക്യാമ്പ്
ചിത്രം -
പൊന്നാനി ഉപജില്ലാ ജൂനിയർ റെഡ്ക്രോസ് ഏകദിന ക്യാമ്പ് പോലീസ് ഓഫീസർ വാസുണ്ണി ഉദ്ഘാടനം ചെയ്യുന്നു

പൊന്നാനി: പൊന്നാനി സബ് ജില്ലാ ജെ ആർ സി ഏകദിന ക്യാമ്പ് ഐ എസ് എസ് ഹയർ സെക്കണ്ടറി സ്കൂൾ ഹാളിൽ പൊലീസ് ഓഫീസർ വാസുണ്ണി ഉദ്ഘാടനം ചെയ്തു. സബ് ജില്ലാ പ്രസിഡന്റ് അബ്ദുറഹ്മാൻ ഫാറൂഖി അധ്യക്ഷത വഹിച്ചു. മുനിസിപ്പൽ കൗൺസിലർ കോയ മാസ്റ്റർ, അബ്ദുൽ അസീസ്, ശിഹാബ് മാസ്റ്റർ, സൈനുദ്ദീൻ,വിനോദ്, ഷോൽന 
പ്രസംഗിച്ചു.
വിമുക്തി ജില്ലാ കോർഡിനേറ്റർ ബി.ഹരികുമാർ  ലഹരി വിമുക്ത വിദ്യാലയം എന്ന വിഷയത്തിൽ പരിശീലന ക്ലാസ് നയിച്ചു.11 ഹൈസ്കൂളുകളിൽ നിന്ന് 283 കാഡറ്റുകൾ പങ്കെടുത്തു. ലഹരി വിമുക്ത വിദ്യാലയം എന്ന വിഷയത്തിൽ നടന്ന പ്രസംഗ മൽസരത്തിൽ സമീന (എം.ഐ ഗേൾസ്) ഹബീബ് (ഐ എസ് എസ്) സൂര്യ ഗായത്രി (വിജയമാതാ) ജേതാക്കളായി.

Wednesday, January 30, 2019

news - പൊന്നാനി ഉപജില്ലാ പഠനോത്സവങ്ങൾക്ക് തുടക്കമായി


FAROOQ VELIYANCODE

MATHRUBHUMI REPORTER

MOB : 98 46 47 30 02


പൊന്നാനി ഉപജില്ലാ പഠനോത്സവങ്ങൾക്ക് തുടക്കമായി 

എരമംഗലം: പൊതുവിദ്യാഭ്യാസ സംരക്ഷണയജ്ഞത്തിൻറെ ഭാഗമായി പൊതുവിദ്യാലയങ്ങളിലെ വിദ്യാർഥികളുടെ പഠനമികവ്  പൊതുസമൂഹത്തെ പരിചയപ്പെടുത്തുന്നതിനായുള്ള പൊന്നാനി ഉപജില്ലാതല പഠനോത്സവത്തിന് വെളിയങ്കോട് ഗവ. ഫിഷറീസ് എൽ.പി. സ്കൂളിൽ ഉജ്ജ്വല തുടക്കം. പഠനോത്സവം കേരള പി.എസ്.സി. ചെയർമാൻ അഡ്വ. എം.കെ. സക്കീർ ഉദ്ഘാടനം ചെയ്തു. പൊതുവിദ്യാഭ്യാസ സംരക്ഷണയജ്ഞത്തിലൂടെ ചുരുങ്ങിയ കാലങ്ങൾകൊണ്ട് വിപ്ലവകരമായ മാറ്റങ്ങൾക്ക് വഴിവെച്ച കടലോരമേഖലയിലെ ഫിഷറീസ് എൽ.പി. സ്കൂൾ ഇതര പൊതുവിദ്യാലയങ്ങൾക്ക് വലിയ സന്ദേശവും മാതൃകയുമാണെന്നും അദ്ദേഹം പറഞ്ഞു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡൻറ് പി.എം. ആറ്റുണ്ണി തങ്ങൾ അധ്യക്ഷനായി. ശാസ്ത്രകൗതുകം - ജൈവവൈവിധ്യം കോർണർ വെളിയങ്കോട് പഞ്ചായത്ത് പ്രസിഡൻറ് സുഹറ കടയിലും ഗണിതമധുരം കോർണർ പെരുമ്പടപ്പ് പഞ്ചായത്ത് പ്രസിഡൻറ് വി.കെ. അനസും ഭാഷാമൃതം കോർണർ ജില്ലാ പഞ്ചായത്തംഗം എം.ബി. ഫൈസലും കിഡ്സ് കോർണർ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ ബബിത നൗഫലും ഉദ്ഘാടനം ചെയ്തു. പൊന്നാനി എ.ഇ.ഒ. പി. സുനിജ പഠനോത്സവം പദ്ധതി വിശദീകരിച്ചു. പൊന്നാനി ബി.പി.ഒ. ടി.വി. ബാബു, വാർഡ് അംഗം റഹ്‍മത്ത്, യു.ആർ.സി. കോ -ഓഡിനേറ്റർ കെ.പി.രഘു, പ്രഥമാധ്യാപിക വി.ജെ. ജെസ്സി, കെ. വത്സലകുമാർ, കെ.വി. ഹംസ, പി.വി. മുഹമ്മദ്, കെ.കെ. ബാദുഷ, പി.വി. അബ്ദുൽഖാദർ, പാടത്തകായിൽ ഹുസൈൻ, എൻ.കെ. സൈനുദ്ദീൻ, ടി.എ. മജീദ്, ഫാറൂഖ് വെളിയങ്കോട്, എം.എസ്. മുസ്‍തഫ, എം.പി. അബ്ദുല്ല ഹാജി എന്നിവർ പ്രസംഗിച്ചു.

ഫോട്ടോ : - വെളിയങ്കോട് ഗവ. ഫിഷറീസ് എൽ.പി. സ്കൂളിൽ പൊന്നാനി ഉപജില്ലാതല പഠനോത്സവം കേരള പി.എസ്.സി. ചെയർമാൻ അഡ്വ. എം.കെ. സക്കീർ ഉദ്ഘാടനം ചെയ്യുന്നു



Sent from my iPhone

Tuesday, January 29, 2019

അറബി അദ്ധ്യാപക സംഗമവും വിരമിക്കുന്ന അധ്യാപകർക്ക് യാത്രയയപ്പും

അറബി അദ്ധ്യാപക സംഗമവും വിരമിക്കുന്ന അധ്യാപകർക്ക് യാത്രയയപ്പും 

ചിത്രം പൊന്നാനി ഉപജില്ല അറബിക് അക്കാദമിക് കോംപ്ലക്സിൽ ഐ.എം.ജി ജമീല ഉപഹാര സമർപ്പണം നടത്തുന്നു

പൊന്നാനി: ഉപജില്ലാ അറബിക് അക്കാദമിക് കോംപ്ലക്സിന്റെ ആഭിമുഖ്യത്തിൽ ഏകദിന ശില്പശാലയും ഈവർഷം വിരമിക്കുന്ന അധ്യാപകർക്ക് യാത്രയയപ്പും സംഘടിപ്പിച്ചു. യു ആർ സി ട്രെയിനർ പ്രിൻസ് ഉദ്ഘാടനം ചെയ്തു. ഐ.എം.ഇ സഫിയ ടീച്ചർ മുഖ്യ പ്രഭാഷണം നടത്തി. ഭാഷാധ്യാപന രംഗത്തെ നൂതന സങ്കേതങ്ങൾ എന്ന വിഷയത്തിൽ അബ്ദുറഷീദ് വള്ളുവമ്പ്രം ക്ലാസെടുത്തു. അറബിക് കവിതാലോകത്തെ മലയാളി സാന്നിധ്യം എന്ന വിഷയത്തിൽ പൊന്നാനി എംഇഎസ് കോളജിലെ അസോസിയേറ്റ് പ്രഫസർ തൗഫീഖ് റഹ്മാൻ പ്രബന്ധമവതരിപ്പിച്ചു. യാത്രയയപ്പ് സംഗമത്തിൽ അക്കാദമിക് കോംപ്ലക്സ് സെക്രട്ടറി സി മുഹമ്മദ് സജീവസജീബ് അധ്യക്ഷത വഹിച്ചു. ഐ.എം.ജി ജമീല ടീച്ചർ ഉദ്ഘാടനം ചെയ്തു. സി.വി അബ്ദുള്ളക്കുട്ടി, കെ ഷൗക്കത്തലി, ആയിഷ, ആറ്റുമ്മ റാബിയ ഉപഹാരസമർപ്പണം നടത്തി. എം.വി അലിക്കുട്ടി, അബ്ദുറഹ്മാൻ ഫാറൂഖി, എ.വി അബ്ദുൽഹമീദ്, ഇ.പി.എ ലത്തീഫ്, എ.കെ നൗഷാദ്, അഷ്റഫ് ചെട്ടിപ്പടി പ്രസംഗിച്ചു. പാഠപുസ്തക സമിതി അംഗം എൻ ഹംസ മാസ്റ്റർ, ഉപജില്ലാ കോംപ്ലക്സ് സെക്രട്ടറി സി ഇബ്രാഹിംകുട്ടി, ടി.കെ ഷക്കീബ്, ഷാഹിദ, സഫിയ, ആയിശുമ്മ, ജമീല, റംല എന്നീ അധ്യാപകർക്കാണ് യാത്രയയപ്പ് നൽകിയത്.

Sunday, January 27, 2019

പൊന്നാനി ഉപജില്ലയിൽ പഠനോത്സവങ്ങൾക്ക് തുടക്കമായി

വെളിയങ്കോട് ഗവ. ഫിഷറീസ് എൽ.പി. സ്കൂളിൽ പൊന്നാനി ഉപജില്ലാതല പഠനോത്സവം പി.എസ്.സി. ചെയർമാൻ അഡ്വ. എം.കെ. സക്കീർ ഉദ്ഘാടനം ചെയ്യുന്നു
പൊന്നാനി ഉപജില്ലയിൽ പഠനോത്സവങ്ങൾക്ക് തുടക്കമായി 

പൊന്നാനി: പൊതുവിദ്യാലയങ്ങളിലെ വിദ്യാർഥികളുടെ പഠനമികവ്  പൊതുസമൂഹത്തെ പരിചയപ്പെടുത്തുന്നതിനായുള്ള പഠനോത്സവത്തിന് 
പൊന്നാനി ഉപജില്ലയിൽ തുടക്കമായി.
വെളിയങ്കോട് ഗവ. ഫിഷറീസ് എൽ.പി. സ്കൂളിൽ കേരള പി.എസ്.സി. ചെയർമാൻ അഡ്വ. എം.കെ. സക്കീർ ഉദ്ഘാടനം ചെയ്തു. പൊതുവിദ്യാഭ്യാസ സംരക്ഷണയജ്ഞത്തിലൂടെ ചുരുങ്ങിയ കാലങ്ങൾകൊണ്ട് വിപ്ലവകരമായ മാറ്റങ്ങൾക്ക് വഴിവെച്ച കടലോരമേഖലയിലെ ഫിഷറീസ് എൽ.പി. സ്കൂൾ ഇതര പൊതുവിദ്യാലയങ്ങൾക്ക് വലിയ സന്ദേശവും മാതൃകയുമാണെന്ന് അദ്ദേഹം പറഞ്ഞു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡൻറ് പി.എം. ആറ്റുണ്ണി തങ്ങൾ അധ്യക്ഷത വഹിച്ചു. ശാസ്ത്രകൗതുകം - ജൈവവൈവിധ്യം കോർണർ വെളിയങ്കോട് പഞ്ചായത്ത് പ്രസിഡൻറ് സുഹറ കടയിലും ഗണിതമധുരം കോർണർ പെരുമ്പടപ്പ് പഞ്ചായത്ത് പ്രസിഡൻറ് വി.കെ. അനസും ഭാഷാമൃതം കോർണർ ജില്ലാ പഞ്ചായത്തംഗം എം.ബി. ഫൈസലും കിഡ്സ് കോർണർ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ ബബിത നൗഫലും ഉദ്ഘാടനം ചെയ്തു. പൊന്നാനി എ.ഇ.ഒ. പി. സുനിജ പദ്ധതി വിശദീകരിച്ചു. ബി.പി.ഒ. ടി.വി. ബാബു, വാർഡ് അംഗം റഹ്‍മത്ത്, യു.ആർ.സി. കോ -ഓഡിനേറ്റർ കെ.പി.രഘു, പ്രഥമാധ്യാപിക വി.ജെ. ജെസ്സി, കെ. വത്സലകുമാർ, കെ.വി.ഹംസ, പി.വി. മുഹമ്മദ്, കെ.കെ. ബാദുഷ, പി.വി. അബ്ദുൽഖാദർ, പാടത്തകായിൽ ഹുസൈൻ, എൻ.കെ. സൈനുദ്ദീൻ, ടി.എ. മജീദ്, യു.എം.ഫാറൂഖ് വെളിയങ്കോട്, എം.എസ്. മുസ്‍തഫ, എം.പി. അബ്ദുല്ല ഹാജി പ്രസംഗിച്ചു.






പൊന്നാനി ഉപജില്ലാ പഠനോത്സവങ്ങൾക്ക് തുടക്കമായി 

എരമംഗലം: പൊതുവിദ്യാഭ്യാസ സംരക്ഷണയജ്ഞത്തിൻറെ ഭാഗമായി പൊതുവിദ്യാലയങ്ങളിലെ വിദ്യാർഥികളുടെ പഠനമികവ്  പൊതുസമൂഹത്തെ പരിചയപ്പെടുത്തുന്നതിനായുള്ള പൊന്നാനി ഉപജില്ലാതല പഠനോത്സവത്തിന് വെളിയങ്കോട് ഗവ. ഫിഷറീസ് എൽ.പി. സ്കൂളിൽ ഉജ്ജ്വല തുടക്കം. പഠനോത്സവം കേരള പി.എസ്.സി. ചെയർമാൻ അഡ്വ. എം.കെ. സക്കീർ ഉദ്ഘാടനം ചെയ്തു. പൊതുവിദ്യാഭ്യാസ സംരക്ഷണയജ്ഞത്തിലൂടെ ചുരുങ്ങിയ കാലങ്ങൾകൊണ്ട് വിപ്ലവകരമായ മാറ്റങ്ങൾക്ക് വഴിവെച്ച കടലോരമേഖലയിലെ ഫിഷറീസ് എൽ.പി. സ്കൂൾ ഇതര പൊതുവിദ്യാലയങ്ങൾക്ക് വലിയ സന്ദേശവും മാതൃകയുമാണെന്നും അദ്ദേഹം പറഞ്ഞു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡൻറ് പി.എം. ആറ്റുണ്ണി തങ്ങൾ അധ്യക്ഷനായി. ശാസ്ത്രകൗതുകം - ജൈവവൈവിധ്യം കോർണർ വെളിയങ്കോട് പഞ്ചായത്ത് പ്രസിഡൻറ് സുഹറ കടയിലും ഗണിതമധുരം കോർണർ പെരുമ്പടപ്പ് പഞ്ചായത്ത് പ്രസിഡൻറ് വി.കെ. അനസും ഭാഷാമൃതം കോർണർ ജില്ലാ പഞ്ചായത്തംഗം എം.ബി. ഫൈസലും കിഡ്സ് കോർണർ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ ബബിത നൗഫലും ഉദ്ഘാടനം ചെയ്തു. പൊന്നാനി എ.ഇ.ഒ. പി. സുനിജ പഠനോത്സവം പദ്ധതി വിശദീകരിച്ചു. പൊന്നാനി ബി.പി.ഒ. ടി.വി. ബാബു, വാർഡ് അംഗം റഹ്‍മത്ത്, യു.ആർ.സി. കോ -ഓഡിനേറ്റർ കെ.പി.രഘു, പ്രഥമാധ്യാപിക വി.ജെ. ജെസ്സി, കെ. വത്സലകുമാർ, കെ.വി. ഹംസ, പി.വി. മുഹമ്മദ്, കെ.കെ. ബാദുഷ, പി.വി. അബ്ദുൽഖാദർ, പാടത്തകായിൽ ഹുസൈൻ, എൻ.കെ. സൈനുദ്ദീൻ, ടി.എ. മജീദ്, ഫാറൂഖ് വെളിയങ്കോട്, എം.എസ്. മുസ്‍തഫ, എം.പി. അബ്ദുല്ല ഹാജി എന്നിവർ പ്രസംഗിച്ചു.

ഫോട്ടോ : - വെളിയങ്കോട് ഗവ. ഫിഷറീസ് എൽ.പി. സ്കൂളിൽ പൊന്നാനി ഉപജില്ലാതല പഠനോത്സവം കേരള പി.എസ്.സി. ചെയർമാൻ അഡ്വ. എം.കെ. സക്കീർ ഉദ്ഘാടനം ചെയ്യുന്നു




Thursday, January 24, 2019

ഇ.ടി. മുഹമ്മദ് ബഷീർ എം.പിയുടെ ഫണ്ടിൽ നിന്നവദിച്ച കമ്പ്യൂട്ടർ ലാബ് സമർപ്പിച്ചു

പൊന്നാനി എം.ഐ.ഹയർ സെക്കണ്ടറി സ്കൂളിലെ കമ്പ്യൂട്ടർ ലാബ് സമർപ്പണം ഇ.ടി.മുഹമ്മദ് ബഷീർ എം.പി.നിർവ്വഹിക്കുന്നു

പൊന്നാനി: പൊന്നാനി എം.ഐ.ഹയർ സെക്കണ്ടറി സ്കൂളിലെ കമ്പ്യൂട്ടർ ലാബ് സമർപ്പണം ഇ.ടി.മുഹമ്മദ് ബഷീർ എം.പി നിർവ്വഹിച്ചു. ഇ.ടി.മുഹമ്മദ് ബഷീർ എം.പി.യുടെ ഫണ്ടിൽ നിന്ന് അനുവദിച്ച കമ്പ്യൂട്ടറുകളുടെ സമർപ്പണമാണ് സ്കൂളിൽ വെച്ച് സംഘടിപ്പിച്ചത്. എം പി ഫണ്ടിൽ നിന്ന് 5 ലക്ഷം രൂപ ചെലവഴിച്ചാണ് സ്കൂളിനാവശ്യമായ കമ്പ്യൂട്ടറുകൾ നൽകിയത്. സ്കൂൾ അങ്കണത്തിൽ നടന്ന ചടങ്ങിൽ മൗനത്തുൽ ഇസ്ലാം സഭാ സെക്രട്ടറി ഹംസ ബിൻ ജമാൽ അധ്യക്ഷത വഹിച്ചു. നഗരസഭ ചെയർമാൻ സി.പി.മുഹമ്മദ് കുഞ്ഞി മുഖ്യാതിഥിയായിരുന്നു. വാർഡ് കൗൺസിലർ സി.ഗംഗാധരൻ, സ്കൂൾ എച്ച്.എം, ടി.എം.സൈനുദ്ദീൻ, സി. മുഹമ്മദ് ഷരീഫ്, എ.എം.അബ്ദുസമദ് , ജോഷി സംസാരിച്ചു.

Wednesday, January 23, 2019

സ്കൂൾ മാനേജ്മെൻറ് ആപ്പ് രക്ഷിതാക്കൾക്ക് പരിശീലനം നൽകി

സ്കൂൾ മാനേജ്മെൻറ് ആപ്പ് രക്ഷിതാക്കൾക്ക് പരിശീലനം നൽകി

 പൊന്നാനി: നഗരസഭാ വിദ്യാഭ്യാസ പദ്ധതി  അക്ഷരത്തിരയുടെ ഭാഗമായി പൊതു വിദ്യാലയങ്ങളിൽ നടപ്പാക്കുന്ന സ്കൂൾ മാനേജ്മെൻറ് ആപ്പ് സംബന്ധിച്ച് പള്ളപ്രം എഎംഎൽപി സ്കൂളിലെ രക്ഷിതാക്കൾക്ക് പരിശീലനം നൽകി. പി ടി എ പ്രസിഡന്റ് പി.വി ഇബ്രാഹിം അധ്യക്ഷതവഹിച്ചു. പ്രധാനാധ്യാപിക എം.വി.റെയ്സി, ദിപു ജോൺ പ്രസംഗിച്ചു. എജുമിയ ആപ്പ് സി.റഫീഖ് മാസ്റ്റർ പരിചയപ്പെടുത്തി.

Monday, January 21, 2019

ഡിജിറ്റൽ മാഗസിനുകൾ പുറത്തിറക്കി

കൈറ്റ് ഡിജിറ്റൽ മാഗസിനുകൾ പ്രകാശനം ചെയ്തു
പൊന്നാനി: വെളിയങ്കോട് ഗവൺമെൻറ് ഹയർ സെക്കൻഡറി സ്കൂളിലെ ഡിജിറ്റൽ മാഗസിൻ "കയ്യൊപ്പ്" നിയമസഭാ സ്പീക്കർ പി. ശ്രീരാമകൃഷ്ണൻ ഹെഡ്മിസ്ട്രസ് പ്രസന്ന ടീച്ചർക്ക് നൽകി പ്രകാശനം ചെയ്തു. മാറഞ്ചേരി ഹൈസ്കൂകൂളിലെ ലിറ്റിൽ കൈറ്റ്സ് ഡിജിറ്റൽ മാഗസിൻ " ഡിജിതാൾ" പ്രകാശനം ചെയ്തു.

രക്ഷാകർതൃ ശാക്തീകരണ പരിശീലനം



ഐ.ഇ.ഡി.സി കുട്ടികളുടെ രക്ഷിതാക്കൾക്കുള്ള പരിശീലനം യു.ആർ.സി യിൽ  വെച്ച് നടന്നു.













Sunday, January 20, 2019

सुरीली हिंदी

സുരീലി ഹിന്ദിയുടെ ഭാഗമായി ബി.ആർ.സി തലം ബി.ഇ.എം.യു.പി.എസ് സ്കൂളിൽ വെച്ച് നടന്നപ്പോൾ