എസ് എസ് എ മലപ്പുറം


Monday, July 9, 2018

'വിദ്യയും വിത്തും' പദ്ധതിക്ക് തുടക്കമായി

 വെളിയങ്കോട് ജി എഫ് എൽ പി സ്കൂളിൽ 'വിദ്യയും വിത്തും' പദ്ധതി വെളിയങ്കോട് കൃഷി ഓഫീസർ വി.കെ. ലമീന ഉദ്ഘാടനം ചെയ്യുന്നു

 'വിദ്യയും വിത്തും' പദ്ധതിക്ക് തുടക്കമായി

പൊന്നാനി: വെളിയങ്കോട് ഗവ. ഫിഷറീസ് സ്കൂളിൽ 'വിദ്യയും വിത്തും' പദ്ധതിക്ക് തുടക്കമായി. പഠനത്തോടൊപ്പം കാർഷിക അവബോധം വളർത്തുകയും വീടുകളിൽ അടുക്കളത്തോട്ടങ്ങൾ ഒരുക്കാൻ പ്രോത്സാഹിപ്പിക്കുകയുമാണ് ലക്ഷ്യം.  ഓണത്തിന് വിളവെടുപ്പ് സാധ്യമാവുമെന്ന നിലയിൽ നടപ്പാക്കുന്ന പദ്ധതി വെളിയങ്കോട് കൃഷി ഓഫീസർ വി.കെ. ലമീന ഉദ്ഘാടനം ചെയ്തു. വിദ്യാർത്ഥികൾക്കുള്ള പച്ചക്കറി വിത്തുകൾ സ്കൂൾ ലീഡർ ടി.വൈ. മുഹമ്മദ് റാഷിദ് ഏറ്റുവാങ്ങി. സ്കൂൾ പച്ചക്കറിത്തോട്ടത്തിൽ വിത്തിടലും നടന്നു. കൃഷി അസിസ്റ്റൻഡ് രവി, പ്രധാനാധ്യാപിക വി.ജെ. ജെസ്സി, വികസന സമിതി ചെയർമാൻ ഫാറൂഖ് വെളിയങ്കോട്, പി ടി എ പ്രസിഡന്റ് മുസ്തഫ എം എസ്, അധ്യാപികമാരായ കെ.ബി. സുനിത, ലളിത പ്രസംഗിച്ചു. കാർഷിക ക്ലബ്ബ് അംഗങ്ങളായ വിദ്യാർത്ഥികൾക്ക് പരിശീലനവും നൽകി.
Post a Comment